Deklarata e Ibrakoviq pas fitores së parë me Prishtinën

16:45 | 23 Nëntor 2021
KRG

Sot u zhvilluan dy takimet e xhiros së 15-të në Superligën e Kosovës në futboll

Prishtina arriti fitoren e parë nën drejtimin e trajnerit të ri, Abdulah Ibrakoviq.

Kryeqytetasit mposhtën Feronikelin me rezultat 2-0 në “Fadil Vokrri”.

Trajneri i Prishtinës, Ibrakoviq e ka vlerësuar si të vështirë fitoren ndaj skuadrës së Feronikelit.

Trajneri boshnjak ka thënë se ka parashikuar që ndaj Feronikelit nuk do të jetë aspak lehtë, por në fund i është gëzuar tre pikëve të para në futbollin e Kosovës.

‘Ishte një fitore e vështirë, ashtu siç e kemi parashikuar, pasi Feronikeli u mbyll para portës mirë dhe na detyroi që gjatë tërë pjesës së parë ta kërkojmë golin. Arritëm të shënojmë dy gola në pjesën e dytë dhe të sigurojmë fitoren që është e rëndësishme’, është shprehur Ibrakoviq.

‘Po punojmë që ekipi të përmirësohet edhe më shumë dhe besoj që do të jemi më të mirë’.

Shpërndaje në rrjete sociale

Lajmet më të lexuara

Të ngjashme

Foto lajm